جمهورية مصر العربية مجنونه بتقول لي
بقلمي الشاعر محمد عبد الباقي حسين
جمهورية مصر العربية مجنونه بتقول لي
مجنونه بتقول لي
أنت تطلع مين
وبتدعيه هو بالجنون
يقول لها شمال
تقول لا يمين
يقول اسمعي الكلام
تقول لا أسمع كلام مين
يقول لها ياحبيبتي
احنا واحد مش اثنين
تقول لا احنا إثنين
يقول يابنت الحلال
اللي معايا هو اللي معاكي
تقول لا أنا يخصني قرشيين
يقول فى بنا عشرة
تقول مش فرقة
أنا عشت مع نفسي سنيين
يقول كلنا مع بعض عيش وملح
تقول لا دا أنا كنت فى بيت ابويا
بأكل حمام وفطير
يقول ولادك هما ولادي
تقول انت كنت فين ياجميل
لما شيلتهم فى بطني تسعة شهور
يقول كنت شقيان عليكي وعليهم
طول النهار وطول الليل
تقول شقيان ايه خلي اللي
شقيانين شقيانين
يقول شقايا وقوتي كله راح عليكم
تقول لا شوف ضيعته على مين
يقول لها ليهم حق الرجاله إللي بتزهق
وبترح تتجوز على زوجتها
تقول يلا بالسلامه أنشأ الله
تتجوز اثنين
كل التفاعلات:
١١
مجلة نداء الرؤح لفرسان الكلمات 