بقلم: محمد دومو
-مراكش/ المغرب
( زجل مغربي)
آش من كلمة تليق؟!
( زجل مغربي)
آش من كلمة تقدر تليق؟!!
بحروفها تكون بارزة وتشير
تسرد كل اموج محايني
تفوج عل القلب لي ك يعاني
آش من جهة نقدر نسلك؟!
نصبح ك نطل على أيامي
طلة تشفي غلايل قلبي
يطفى جمر النار الݣادية
مصاب لكلام ينوب على خيالي
الدرهم قادر يعطيك كل متعة
ما يظمن ليك سعادة ولا هنا
والواد ينشر حياة متنوعة ومختالفة
لا ضمانة ال هذا يشبه ذاك
راه لخلاق جهرات حتى الدراري
لكلام كلو تدهش.. وجمع الوقفة
حروف تترعد وسط هاذ لكلام
خيول واجدة، شديدة ومتمرنة
حاملة بكل نخوة سر علامي
آش باقي من كلام فالقلب عاود ثاني
تشكلات هاذ لقصيدة ݣدامي
كلام ما مفهوم للغير
رنة تطرب كل سامع
ويفهى فيها ذاك لي بحالي
شكون لي اختار هاذ لمعاني؟!
-بقلم: محمد دومو
-مراكش/ المغرب
كل التفاعلات:
١فهدالصحراء الجرئ
مجلة نداء الرؤح لفرسان الكلمات 