النسيان صعب
والأصعب منه
إنك تعيش فاكر
حزنك
قايم نايم بيه
خدنا من حزننا أيه
دارت بينا الدنيا
ودورنا معاها
شربنا عسلها
وشوفنا آساها
عايشين فيها
وجواها
مرة تفرحنا
ومرات تجرحنا
وهي ساعات
اللي بتداوى جراحنا
مرجيحة بتمرجحنا
ساعة فوق
وفي لحظة
هب
نقع من سابع سما
وعالأرض نطب
نقع ونقوم
ولحد اليوم
داخلة الدنيا معانا
في حرب
سنة الله
في الأرض
نعيش
بالطول والعرض
والموت
حق علينا وفرض
أجل موقوت
كاس عالكل بيفوت
شرق وغرب
قريب منك
وأقرب من القرب
أحمد السعيد الفقي مصر
أعجبني
تعليق
إرسال
مجلة نداء الرؤح لفرسان الكلمات 