**********************************************
==============بانسج رواية بحروف قزاز
**********************************************
باانسج رواية بحروف قزاز
واشد من عضم الوجع
اى معنى مجاز
تنزل دمعتى بشويش على طرف الرصيف
يلحقوها اصحابى يعبوها ف رغيف
كان نفسى اعمل غنوتى وتكون لى سيف
يشق قلب الظلم اللى عشش فى البلاد
ارسم ضحكة من غير شروخ
من غير ما عين البصاصين تدوخ
من غير ماازيف تراتيل الغرام
والبس عباية المأتة
واهتف للمسوخ
محتاج ارتب اشواق حب الوطن
واغير شكل السكك والمدن
وانعى حلمى اللى انكسر
واهرب من حيرة
ماسكة فى ديل فستان امى
واعرف عناوين اطبة لالمى
هو انا مين ؟
وليه واقف على رصيف حلمى
خايف اعدى
تدهسنى عجلات التمنى
ازاى لقيتك فى حارة الدنيا الحزينة
بسمة تنور الفين مدينة
شفتك بعيد
والضى بيشب فى القلب الحديد
بروح جنين بيشق قلب الامنيات
طفل ووليد
محتاج ايدين ترسم طريق الحياة
تمد فى العمر اللى الخارج من كهف الممات
===============محمد عبدالمقصودداود
أعجبني
تعليق
إرسال
مجلة نداء الرؤح لفرسان الكلمات 