عامية مصرية 
بقلمي
أشرف محمد السيد
،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،
قصيدة
فيس البلاوي عامل حكاوي
عامية مصرية
بقلمي أشرف محمد السيد
،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،
اسمع و فكر إن كنت ناوي
أشكال نشوفها أسماء نضيفها
طبال و طبلة والكل غاوي
لما بشوف ع الفيس تحجيبة
أو كام صورة و حالة مريبة
دوري بروح و بحط. إضافة
يمكن تبقي لقلبي حبيبة
يا ما عيون ساحرة و مرسومة
تسرح فيها و تطلع بومة
فوق سبعين و تقولك عمو
كارت و كاش وإعملي عزومة
راجل عامل فيسوا ولية
خايب شاطر ف المدادية
يدخل خاص و يقولك عاوز
سالب ، بركب ع الحنفية
دكتور صرف و عامل شاعر
ليل و نهار يدلق ف مشاعر
يطلع ساقط خامسة وساتة
بس صحيح ف الهجص دا واعر
شيخ بيطلع العفاريت
لمس و مس و تت و تيت
والشياطين حواليه تتنطط
كدب ملخبط ف الشخابيط
جاتني رسالة ادفع تكسب
والنصاب عينوا ع المكسب
ميت مليون دولار أو يورو
والمسكين مسروق و بيحسب
هري طبيخ تلقيح وشتيمة
دون وبخيل ومسمي كريمة
إنجي و ناجي وشمس معارف
فارس لابس جزمة قديمة
أصل الفيس أمراض وبضاعة
وحش غزال قشطة و ولاعة
و الأخلاق ف كلامك تظهر
مش بترند عبيط و إشاعة
فيس و ماسنجر واتس ومافيا
يسرق نوم يديك بالعافية
و إللى يقٓوٓر لازم يحشي
ياما حاجات بتجيبلك كافية
°°°°°°°°°°°°°°°° بقلمي
أشرف محمد السيد
مجلة نداء الرؤح لفرسان الكلمات 