انسى يا قلبي =================بقلم/ زينب سليم أحمد
انسى يا قلبي
=================
انسى ياقلبي اني اسيبك
تضعف وتقول إنه حبيبك
اقوى شوية وخليك جامد
اللي خان العيش .. والملح
فكره هنجري عليه ونلح
ولا خياله …… راح صورله
يجي ويطلب هدنة وصلح
شمسه خلاص بانت مغاربها
عد نجوم الليل … وحاسبها
ودعناه ……….. لما اتلقيناه
راح على دنيا جديدة ناسبها
اوعى ياقلبي تكون متردد
وتقول ترجع ….. أو تتودد
لو ها تعيدلي نفس القصة
تلقي احزانك راح تتجدد
ياما قلوب صبحت موجوعة
حتى الشكوى كمان ممنوعة
ولا فيه حد … حس آلامها
ولا صرختها كات مسموعة
إنسى ياقلبي الهم وسيبك
بكرة الفرح هايبقى نصيبك
الأيام …… هتداوي آلامك
والنسيان راح يبقى طبيبك
بقلم/ زينب سليم أحمد
أعجبني
تعليق
إرسال
مجلة نداء الرؤح لفرسان الكلمات 