آه يابن الايه
خلي بيا الواد لما شغلني
ورمتني عنيه
ماقدرت عليه
كان ليه بيحلاله يشوقني
اما انا مش ليه
وف بحر غرامه يغرقني
ما يمد ايديه
اديتله سنيني وهان عمري
ضيعته عليه
وماخدتش منه لا حنيه
ولا شوق بجنيه
آه يابن الايه
هوه عشان قلبي برئ طيب
فبيلعب بيه
والدمع كمان مني قريب
ماعرفشي اداريه
وهيامي بعشقه ده متغلب
صعب اني اخفيه
ولا عشان روحي اما يعدي
بتحوم حواليه
واتمنى يا ناس اخده ف حضني
واجي قافله عليه
يعمل ما بداله عشان خاطر
مابحن اليه
لا عمل لي حساب ولا شال خاطر
للهفة عليه
يضحك على قلبي تجيب رجلي
ف الخيه عنيه
اه يابن الايه
ادي حالي وحال عشاق ياما
كده آمنوا اليه
اصل الهوى يابني مالوش وسطه
ولا بالكارنيه
لو سبته أوام تلقاه يجيلك
فاتح دراعيه
ويسيبك ويزيد ف لهيبك
لو تجري عليه
اتقل ع الشوق ويا حبيبك
والعشق داريه
آه يابن الايه
بقلمي/ خالد جمال ١٨/٥/٢٠٢٤
أعجبني
تعليق
إرسال
مجلة نداء الرؤح لفرسان الكلمات 