ابن الجِنّيّة
لا مش انسية ولا بتشبه
امه دي جنية
أجمل لياليا
عشمني بحبه وكان واخد
قلبي انا تسلية
فات ليا القسوة وخد مني
كل الحنية
بعدما هويته ساب الغية
وهجر البِنّيّة
ابن الجنية
ابن اللعيبه يادي العيبة
كييف مرازية
فصَّلِّي رزية على مقاسي
تفصيل ترزية
كت صورته ملاك جوه ف عيني
مش وش أذية
ماخطرشي ف بالي يشقيني
او يلعب بيا
ابن الجنية
كان عشقه لقلبي وكان شوقه
فخ يا ناس ليا
على نبله شهامته و على ذوقه
ليه مني تحية
ده ف غدره وزيفه وف خيانته
واخد المثالية
وف جرح الروح لأ من حقه
شهادات فخرية
ابن الجنية
ده مسيره في يوم يلقى الجن
اللي يخلص ليا
دمع الحرمان واهات هم
وجراح واسيه
ويقوله كفايه ولا يحن
ويتوه بعديا
واسمع كده صوته اما يأن
يشجي الروح فيا
ابن الجنية
بقلمي/ خالد جمال ١٨/٥/٢٠٢٤
كل التفاعلات:
١امواج البحر
مجلة نداء الرؤح لفرسان الكلمات 