هو أيه اللى جرا
كوكب الأرض مسكون
عايشين أم المسخرا
وعايشين أم الجنون
فارد ع البشر جناحه
شرنقه وفيها محابيس
والكل سلم سلاحه
يغنى ويرقص مهرجان
شارب وشامم مسحور
ويقولوا عليه قال فنان
ويركب البشر حنطور
ومذيع مريض بالتعريض
تلميذ إبليس الملعون
يحلفلك الديك بيبيض
وكوهين بيحبك بجنون
شوارع كلها من نار
وأنت وحظك يقلبوك
ولا يبيعوك قطع غيار
تصرخ مش حيصدقوك
والحكايه بقينا سلعه
وإبليس بيبيع ويشترى
والدنيا حوالينا ولعه
وكل كبير بماله بيفترى
والحقيقه الحامى ربك
قال عبادى المخلصين
عمر إبليس ما حبك
قول يارب العالمين
احمينى من نفسى
ومن وسوسة إبليس
واحمى قلبى وجسمى
سبحانك اغثنا يامغيث
اغثنا يامغيث كلمات الشاعر محمد على خالد
مجلة نداء الرؤح لفرسان الكلمات 