قصيدة/ ظُزين تلاتة أربعة

{ عامية مصرية }

بقلمي/ أشرف محمد السيد

☆•☆•☆•☆•☆•☆•☆•☆•☆•☆•☆•☆•☆•☆•☆

قصيدة/ ظُزين تلاتة أربعة

{ عامية مصرية }

بقلمي/ أشرف محمد السيد

☆•☆•☆•☆•☆•☆•☆•☆•☆•☆•☆•☆•☆•☆•☆

☆طُزين تلاتة أربعة ، و الخامسة من عندي

و السادسة ليك دنيتي ، بتكابري و تعاندي

فقران و جاي يشتري ، و الصبر مش عندي ☆

☆ انا من عمايل البشر ، شاقق أنا هدومي

غدر و قذارة و نكد ، جبنة و فراخ رومي

عيشة و ملاها الغلط ، عمرك ما هتدومي ☆

☆دنيا و ليها العجب ، تيجي على الغلبان

تضرب و بتلطشوا و الندل مش زعلان

بيقلعوه هدمتوا ، لجلن يجيبوا لبان ☆

☆نفسي ف رئيس فى العمل عادل ومش ظالم

أدخل عليه و أترسم ، و أشرب و أقول دايم

يسمع يخاف الحَكم ، مش جاني و لا لايم ☆

☆نفسي ف بيت دنيتوا ، مليانة حُب وخير

علم و ثقافة و فرح ، محصول و سَعي وطير

شلتة و حصيرة ورضا ، ذكر و عبادة و زير ☆

☆نفسي ف حتة مرة ، فيها الجمال ألوان

الحُسن من طبعها ، شكل و فلوس و حنان

تسقني من عِشقها ، كايد بها النسوان ☆

☆نفسي أصاحب جدع ، طيب و متربي

واضح صريح بالأدب ، مش فاضي و معبي

يا ما فى كتير يبلفك ، و ف قلبه بيخبي ☆

☆نفسي كدا ف مدرسة ، فيها الأدب والعلم

تعليم و فن و حِكم ، أحلام تعيش بالحلم

طالب نبية عبقري ، أستاذ ف حرب و سِلم☆

☆نفسي ف عيادة و بلد ، للكل بتعالج

دكتور يخاف ربنا ، مش نَطع أو سارج

قلب و مخ و عصب ، و اللهِ مُش فَارج☆

☆نفسي يدوم الأدب و الدين ف طبع الناس

أخلاق و حب و قِيم ، ميزان دهب حساس

علم وشجاعة و كرم ، والرحمة عندوا أساس ☆

☆نفسي أشوف الأدب ف الناس وف الفيس بوك

عُري و سفالة و خِلَّق ، نسوان تخيب و تعك

تطبيل و شيخ إتحرف ، ماسك عصاية و بوك ☆

☆نفسي أطير ف الفضا ، بين السما والأرض

بين النجوم أذكُرُوا ، حامد و أصلي الفرض

عايش سَليم مقتدر ، من غير ديون و لا قرض ☆

☆نفسي أنام و افتكر ، جنة و ربيع و زهور

مش فقر حيرة ومرض ، تعبان وديب مسعور

و اصحي على جنتي ، و الأهل فيها حضور ☆

☆نفسي أشوف سحنتك ، يا للي عطاك الحظ

الزفت من عَملتك ، من غير ما يدريِ بَظ

يا حظ يا إبن المرة ، ألفين و مليون طُز ☆

••••••••••••••••••• بقلمي

أشرف محمد السيد