&&&&&&&&&&&&&&&&&&&&&&&&&&&&&&&
========================== – حبيبتى ===
&&&&&&&&&&&&&&&&&&&&&&&&&&&&&&&
حبيبتى اللى عايشه فى نسمة هوايا
فى ضحكة زهورنا وتحلم معايا
وفى كل نجمة بتكره بعاد ى
وتكره بكايا
حبيبتى اللى جنبى
فى ركنى الشمالى الجنوبى
فى عنبى ورطبى
وطله فى سمايا
فى شرقى فى غربى
تطبب جروحى
حبيبتى باقولك واحشنى ابتسامك
وشوقى سابقنى وسابق نظامك
و مستنى ادق بايديه ل بابك
فى قلبى و عيونى هواكى شاغلنى
واخاف القى يوم هواكى ناسينى
واخاف من نظرة جارحة
تجفف هواكى
وتمحى فى خيالى خطاكى
واحلم بنظرة تخضر امانى
ولمسه ايديك تداعب ايديا
وتزرع غيطانى وتملى عينيا
با اخطى السنين
واشوفك بعيد
صبية تضفر ل قلبى الحنين
وتزرع لعمرى الامانى
تضمد فى جرحى الحزين
بحلم الطفوله ونظره بريئة
تطبب ضياع الحقيقة
لقلبى الصغير
ابونبضة تايه فى دنيا غريبه
بتاخد ما تدى
باشوفك واهدى
واهرب وارجع لنفس الزمان
واشوفك صبية تضفرلفلبى
طريق الامان
————– محمد عبد المقصود داود
كل التفاعلات:
١فهدالصحراء الجرئ
مجلة نداء الرؤح لفرسان الكلمات 