====== ما فضلش غير حبه سنين ======== &&&&&&&&&&&&&&&&&&&&&&&&
ما فضلش غير حبة سنين
وشهور وجع وجمعة انين
قبل ما تغيب عينيكى الطيبين
الضى كان حا لف ما يدخل اى بيت
كنت با اكتب شعر وارسم نجمتين
واحلم انى الحقك والحق عينيكى الدفيانين
الجرح كان ينزف ألم واسئلة حيرانين
وانا بالضى النبى اجرى اخضر ضفتين
آلضم هواكى جوا قلبى واضفر ورتين
واجرى المس نسمة فايته فوق شفتين
واحلف اشوفك واشوف فى عينيكى شمسى
واستهجى البسمتين
استهجى خطوتى فى الزمن الجزين
انا والصبح وايديكى العرقانين
ندق باب الحياة ينفتح للصبح ضرفتين
احلم باملى يكتمل
نقطف من الجنة عناقيد الامل
اعصر لحبيبتى من قلبى قبل
ايه اللى حصل ا
لريح كات تسابق خطونى
والروح لعندك ترتحل
انده عليكى واستنى منك الخبر
اصحى اللى نام جوا تعاشيق الشجر
انا كنت كاتب اسمى مع اسم القمر
مين اللى ساوم ع الرحيل
وباع حلمى لريح الخطر
كل الادلة والتهم بتحكى وتستخبى فى القدر
عشرين سنة
والضحكة مصلوبه فى الوشوش الحجر
عشرين سنة
والعناوين كلها ما لها اثر
الوش عجز م الهزايم والقلق
كم سطر فى كتابنا اتحرق
ولسه حكايتنا بتنسكع بره القفص
لسه مشتاقين للغنا
ولحضن يدينا الدوا
رغم الجراح ضاربه فى جدور السما
الجرح ينخر فى شقوق الزمن
والضى اللى كان حر اتسجن
================محمد عبدالمقصود داود=====
كل التفاعلات:
١Mansour Benmansour
مجلة نداء الرؤح لفرسان الكلمات 