خواطر (اشرف الدغيدي)
حقوق النشر محفوظه
(كفايه عليا حنانك)
خبيت جوايا همومي
وداريت عنك دموعي
صعبان علي روحي منك
يحكوا عني وعنك
ويزيد عذابي وهمي
ولوعتي في بعدك عني
ياحبيبي الشوق كواني
وعيونك كتير وحشاني
وافكاري مش سيباني
وللعذاب علي طول وخداني
مش قادره اقسي عليك
ولا اكره حبي ليك
حبيت حياتي معاك
ووهبت روحي فداك
ياريتك تحس بيا
وبالدمع جوه عنيا
يمكن تحن عليا
وما يطول غيابك عني
وتفضل قريب مني
تروي قلب عطشان
محروم بقاله زمان
من حب كله حنان
وترحم قلب دايب
ونعيش العمر حبايب
تعوضني عن كل دمعه
وتخلي حياتي شمعه
تنور حياتنا سوا
ونرعي انا وانت الهوي
وتلبسني بإيديك الطرحه
وتشوف في عنيا الفرحه
والدنيا مش سيعاني
وكفايه سنين بنعاني
من قسوة وجفا الأيام
محرومين من أحلي غرام
سهرناله ليالي ما ننام
حبيبي كتير واحشني
تعالي أوام فرحني
واخبيك في نن عيوني
واغطيك برمش جفوني
ويلوموني اللي يلوموني
كفايه عليا حنانك
واوهب حياتي علشانك
خواطر (اشرف الدغيدي)
حقوق النشر محفوظه
كل التفاعلات:
٦Ashraf Eldghedy، وMansour Benmansour و٤ أشخاص آخرين
مجلة نداء الرؤح لفرسان الكلمات 