««««»»»»
المعااااش
««««»»»»
من بعد سنين كتير
طلعت ع المعااااش
السن ياناس كبييير
والصحة ماتضمنهاش
لاقيت معاشي قُلَيِّل
ومش مكفي القوت
ومعايا شوف كام عَيِّل
بيشكوا من غير صوت
علي طول الحال بيضيق
والعيشة غالية.
جداً
وأما أشكي لكام صديق
ألاقيه علي حالي يحزن
وقرشين المعاش
. بدأو يتبخروا
طب أعمل أيه ياناس
ياريت بلاش تسخروا
دَوَّرت علي……شغلانة
تكون مناسباني
لكن السن……………كبر
والصحة تعباني
جربنا نتغَيَّر
ونعيش علي قدنا
أتارينا بنعاني
والفقر……….بيهدنا
طب نعمل أيه ياأخواننا
ياريت تكونوا…….مكاننا
دي العيشة فوق أمكاننا
وفاض صَبرنا
دَوَّرت علي……شغلانة
تكون مناسباني
لكن السن……………كبر
والصحة تعباني
وقرشين المعاش
. بدأو يتبخروا
طب أعمل أيه ياناس
ياريت بلاش تسخروا
شاعر جنوب / شرف الدين فاروق أحمد
كل التفاعلات:
٤٤
مجلة نداء الرؤح لفرسان الكلمات 