( زجل مغربي)
النزاهة مع لحباب!!
( زجل مغربي)
تزهى الروح وترتاح
فالنزايه الفرحة والتقشاب
ف ݣلسة التفاوج مع لحباب
محلاهم ݣلاسي ت الراحة
الصاحب ال صاحبو مصواب
النكتة تكون بناتهم دايرة
ولوجوه مبشورة وضاحكة
بها تتغدى الروح
وتزهى جميع النفوس
الݣلسة تحلى ليك وتروق
وتشيع لمحبة بين لخوت
حديث النزايه محكوم بالمعنى
يريح النفوس كلام يتغنى
-بقلم: محمد دومو
-مراكش/ المغرب (ليلة 29 نونبر 2023 )
مجلة نداء الرؤح لفرسان الكلمات 