كل قلب وله حكاية
بين القلب والوتين
حب عاشق ماله نهاية
كان بدايته نظرة عين
شغلتوا عيون الصبية
فكر انه يجيب هدية
حب يهديها الحنين
حبه ليها كان صدفة
حب يدوب من يومين
“””””””””””””””””””””’
قلب تاني وله حكاية
بس كان عاشق ولهان
والوصال كان ليهم غاية
لكنها هاجرت من زمان
فكر فى زينة الصباية
حب مالوش أمان
بعت ليها كام رسالة
ردت عليه دا كان ياما كان
ودي كانت النهاية
حس يومها بالهوان
“””””””””””””””””””””””’
قلب تالت له حكاية
حب وعاش الخيال
حب بنت جميلة حلوة
حسنها مالوش مثال
كتب بإيده كام رسالة
حب وهيام ودلال
عمره ماأرسل رسالة
وفضل عايش في الخيال
لما صبحت حالته حالة
قضى عمره سنين رحال
من غير نظرة ولا مقابلة
حب عذري وكان ميال
(((أسامه جديانه)))
أعجبني
تعليق
إرسال
مجلة نداء الرؤح لفرسان الكلمات 