ساب لينا الأغاني و الزواني
و الهيافات الدواني
و كل شيء فى ايدينا فاني
فِرحنا بيه ف الدنيا ديّا
المِحمّر و المِشمّر
و اللى طبّل و اللى زمّر
و المفقّع و المقمّر
و المياه المعدنية
ساب لينا لبس الحرير
و المطاعة ع السرير
ماخدش من دنيتنا غير
مصحفه و البندقية
ماشي من خندق لخندق
عزم مفرود ، خوف مطبّق
في الأعادي بارود يطرشق
حتى لو روحه الضحية
ما عادش همه في حياته
أو في أمه أو خواته
هما عاشوا ، هما ماتوا
همه في نصر القضية
و القضية وطن و ارض
و الدفاع عن بيت وعرض
و الجهاد للحق فرض
في الشريعة الإسلامية
كل التفاعلات:
٢٢
مجلة نداء الرؤح لفرسان الكلمات 