للدرجادي
للدرجادي اسيت ونسيتني
خنت ودادي وقلبك باع
جاي دلوقتي تقوللي وداع
كان اهونلي معاك رسيتني
لو مركبي مرسايا ضياع
احسن ما احلم وتموتني
تكسر فيا جناح وشراع
عيشتني لحظات مستني
فجأة اتقلبت ويل وصراع
صبحتني ومعاك مسيتني
على اوهام وياك وخداع
ليه من إيدي عنيك شدتني
وانت ناويلي على الاوجاع
قلت لبر امان عديتني
سبتني وسط طوفان قلاب
كان ارحملي لو صدتني
لو قلبك كان رد الباب
ليه يا حبيبي وراك ودتني
سكة هوا اتاريها سراب
لا عشقتني ولا يوم ودتني
كنا اتنين عايشين اغراب
كلمة أخيرة هقولها وماشي
بعد ما قلبي ف حبك داب
زي ما حبك راح وما جاشي
زي ما شوقك كان لي ضباب
بكره تشوف الويل وتاسي
بكره هتجني دموع وعذاب
بكره هتفضى مرارة كاسي
وانت المر تدوقه شراب
زي ما خنت معاك اخلاصي
راح تتخان من غير أسباب
بكره زمانا يكون القاضي
يحكم كده ويصفي حساب
بقلمي/ خالد جمال ٤/٦/٢٠٢٤
كل التفاعلات:
١Mansour Benmansour
مجلة نداء الرؤح لفرسان الكلمات 