” خطوبه على الهوى “
الغلط مردود
واد ما تملك ايدك جود
والصراحه حلوه بس ليها حدود
واوعى تغلط فى بنات الناس
ودى خطوبه على الهوى امام كل الناس
طلبت منها بنية حسنه وصدق احساس
وقلتلها قبل ما يكون بينا ارتباط
وحياة اللى جمعنا من غير ميعاد
قبل ما دماغى بيكى يتربط
مش مخبيه عنى اى دفوهات
ولا حصل لعقلك قبل كده قفلات
ولا وقعتى فى يوم من الايام فى هفوات
يعنى حد مسك ايديكى
ومثل انه ورع
وهيعدى بيكى بس الشارع
واكتشفتى انه فى الهوى بارع
هصدقك لو ادعيتى انه مات
مانا ياما شفت ده فى الافلام والمسلسلات
ياستى اعتبرى ان اللى فات مات
ولا يمكن مره تاهت بك الدنيا
وجالك صرع وفوقوكى
صارحينى اعتبرينى زى اخوكى
واطمنى لو حصل شى من اللى انا قلته
هعتبره من التفاهات
وهحسبه شئ صغير مش كبير
واعتبرى ان سرك فى بير
ردت اسمع ما هو ات …:
خلص الكلام بينا ومات
وسابتنى اضرب خمسات فى ستات
طب انا غلطت فى ايه يابنات
ولا هو ده طبع فى بعض الستات
المصرى الشاعر
كل التفاعلات:
٥فتحية خصروف، وEsteer Hanna و٣ أشخاص آخرين
مجلة نداء الرؤح لفرسان الكلمات 