#
==========الحلم مش بيموت ==
########################
كات احلي حاجة في حبنا الطيبة
لاغموض في بكرة ولاحيرة
ألمس إيديكي يرتعش قلبي
. كنا صغار وياريتنا ما كبرنا
وياريت ما عشنا العمر والشيبة
ويا ريت هربنا كما عساكر الترحيلة
فاكرة الشوارع لما كات تضحك
فاكرة الورود لما كات تهمس
والبعد اصبح بين ضلوعي شوك
وشوق بيكبر يعلي ويعلي لفوق
وخريف بيرسم حلمنا لغروب
كات احلى حاجة فى حبنا الطيبة
لاغموض في بكرة لاحيرة
وشروق بيفرش دروبنا بهمسة وتسبيلة
وايه يفيد فيك العتب .؟
والحب بتشوفه كما دُمى ولِعب
والقلب بعتيه من زمن
للى دفع مهره دهب
انت عينيك غاويه التعب
للى مغرمين واصحاب الرتب
كل اما اقرب التقى
قلبك يهوى الهرب
هو دا قلبك صحيح واللى نُصب
واحنا هدمنا من زمان
كل اصنام الرطب
ومهما قالوا الامل بيموت
ويسحب نفسه جواتابوت
حبك بيفح فى روحى الف باب و يفوت
اشوفه بيهز الملكوت
زى همس الورد مهما يجف
تسمعه بصوت مكبوت
الحلم فى جسم الامل منحوت
احلام بشاير تدور وتدور
وترجع تزهر جناين توت
االحلم زى المية يجرى
وانا كنت باحلم
زى كل الخلق بغطا يدفينى
وشجر وبيوت
=================محمد عبد المقصود داود===
كل التفاعلات:
١١
مجلة نداء الرؤح لفرسان الكلمات 