ايه الموضوع
مدبولي مدبولي مدبولي
ايه الموضوع قولوا لي
نفسي يختار حكومه حلوه
وزير ما يقطعش الكهربة
والامتحانات ما تكونش
في يوم متسربه
وزير عاقل وراسى
ما يحضنوش في الكراسي
بلدنا راكبه مركب
والمركب ما لوش مراسي
ماشي وراه زفه وتشريفة
والناس ما فيش في جيبها تعريفه
تلم في الزباله وتاكل من الجيفه
عايزين وزراء ايديهم نظيفه
والكل يعامل ضميره
العيشه هتبقى عال
والدولار بخمسه تعريفة
الصدق يكون شعارهم
وزراء تكون جريئه
يصارحونا بالحقيقه
ديارنا هتبقى دارهم
وقلوبهم تبقى صافيه
ومن الخراب بريئه
الشاعر / عامر عبده عامر مصر
أعجبني
تعليق
إرسال
مجلة نداء الرؤح لفرسان الكلمات 