أيوه فكرت ..
أهرب بطموحي لو حتى ثواني
وأمدد خطوه بره القبر
كاسات الواقع ، فتطرح صبر
ليه ياكابوس الليل متنتور ..
على سطور بكره وسافف حِبر
وبكره ، آه من بكره
إمتى ح تيجي وفجرك شايل
جوه ملامحك بذور الجبر
أصل الشوق بصراحه قاتلني
وحضني الهايم لسمو جنابك
مشتاق يجني سنابل خُضر
بس بلاش توعد روحي الخايبه
إن بيني وبينك يادوبك شبر
أصلي بصدق وبعيش الوهم
كأني عريس بيحوش مهر
وعروسته جنِيه بتغزل حِلمه
بشعورها الماده لقاع البحر
كل التفاعلات:
١١
مجلة نداء الرؤح لفرسان الكلمات 