الناقد
حمدي البوقي
من أطفال
غزة
_____
أخر رسمة
من أطفال
غزة
_____
قول ع الدنيا السلام
بيرمح رمح
خايفين منك ياحمام؟!
أه خايفين
لتكون ف لحظة صاروخ
خايفين؟!
أه خايفين
مش من الموت لا..
خايفين ازاي ما حيبقوش
إنزل ياحمام
غنى عدودة وموال
وغطي الشهدا الأطفال
ولملم باقي الكراريس
إنزل ياحمام لم لكوام
صحن المدرسة
بقى كتلة نار
عد الشهدا وعد الكم
كراريسهم شاربة دم
وهناك الواد
إللى ما كمل حرف الكلمة
والتاني كمل باقي الكلمة بدمه
وعيل تاني آخر كلمة قالها ح اموت
شايف ياحمام…
شكل الموت
جديد ع الدنيا..
شكل الموت
ياحمام
قول للأطفال الباقية
تنقش بالدم حبة جوابات
كل سطورها من دم اخواتها
إللى مابقوش أطفال
ياااااأطفال
إبعتوا لضمير الدنيا النايم
قولوا للحكام
يختشوا ع الدم
قولوا مين ح يشم…
ريحة كراسة الواجب
أخر واجب
كان موضوعة
( انقذونا من الإبادة)
أغيثونا ياسادة
أخر رسمة كانت
طفل مات
حاضن اخوه
وغصن الزيتون
الناقد
حمدي البوقي
كل التفاعلات:
١Mansour Benmansour
مجلة نداء الرؤح لفرسان الكلمات 