*** إفردى شوقك ***

للشاعر/ صابر الشناوى

*** إفردى شوقك ***

للشاعر/ صابر الشناوى

إفردى شوقك عليا .

…. ولملمى منى الحنان

وارمى هواكى فى قلوعى..

..انا بين ضلوعى الأمان

يا نسمه هلت فى ليلى.

……ملت عليا المكان

دفا ومحبه وسعاده…

….حسيت معاها الأمان

رميت ورايا همومى…..

…. وحضنت شوقى وظنونى

وقلت ولا زمان,,,

,,,,,ارمى هواكى فى قلوعى

……انا بين ضلوعى الأمان

لملمى شوقى عليكى..

…واحضنى قلبى بإديكى

حالف ما فارق إديكى….

. مهما عادانى الزمان

وارمى خوفك وراكى..

…شايف شبابى فى صباكى

وبحس ساعه لؤاكى.

…معنى الحنان والأمان

إفردى شوقك عليا….

ولملمى منى الحنان

الدنيا وإنتى معايا.

..أكيد ما ليها نهايه

ولو حكينا الحكايه…

.هيحكى زمانا كمان

دا أنا كل شوقى وحبى

…وخوفى عليكى بقلبى

طب أحكى إيه ولا أخبى

… ما كله ظاهر وبان

إفردى شوقك عليا..

…ولملمى منى الحنان

وارمى هواكى فى قلوعى

…أنا بين ضلوعى الأمان