ليه .. زادت … الهموم

بقلم

عادل جاد

**********************

غابت الفرحة والبهجة ف الأعياد

ليه .. لأ والبشر مع الله بأشراك

مابين غرور وطمع وحب الذات

أيه تنتظر من بشر يتبع الشهوات

دا المسلم الرضا بقلبه حتى مات

البر قل والفجر والشر زاد

بنقول ليه الدمع جرح الخد

محدش بيدور على حد

محدش بيمد لأخوه اليد

خلاص خلاص جيه الطوفان

المسلم بقا ع الدنيا سعران

تسأل بقول كدا ليه

عشان معدش بر وإحسان

مبقاش فيه رضا وشكران

من الشبعان حتى قبل الجعان

مع أن فضل ونعم ربنا علينا كتير

الرزق ربنا بينزله علينا سيل

بس أزاى لازم لازم نبص للغير

بنقول ليه زادت الهموم

محدش قانع بالرضا والمقسوم

محدش بيعيش اليوم بيوم

الكل فاكر السنين له هتدوم

كأن الغيب وبكرة له معلوم

محدش عاد بيحسن بالله الظنون

محدش لعرضه بيصون

التبرج واضح للعيون

المسلم بقا مع الغرب بيهيص

عشان كدا لحمه بقا رخيص

***********************

بقلم

عادل جاد

كل التفاعلات:

٢٢