********************************************************
=========================- ونقول ايه ==
********************************************************
محبوس كما كل الحروف
الشبعانين وجع
قلم رصاص
بسن نبضه بيتوجع
الريشة خافت ترسمك
دواير مغلقة
متلغبطة
نايهه فى وسط الهمبكة
لكن القلم
سك على الالم
وعلى كل البيبان المقلقة
وحلف ما يكتب
غير حقيقة تهواها الحكايات الواثقة
نقول ف ايه
وليه القصه مش عايزه
تموت ف سلام
برغم سنين عناد وآلام
ورغم الخوف من الاقدار
وانا اللى اخترت أكون منفى
واخرج من حدود نفسى
واحول ضعفها لصمود
واروى الشوق بطول صمتى
لموال على ارغول
واقول بكره
اشوف الصبح من غير شوق
يقولى قلبى قوم فوق
زهور الحب بتطرح شوق على شوق
واروض ف السنين ما تلين
واعافر لجل يمكن تستكين
وطول الوقت نسيانى
مانا اللى للشوق رميانى
وفاكرانى ف ايدى دليل
اداوى جراح قلبى واقول يمكن يميل
واهد جدار كان بيحمينى
وفجأة تنقلب موازين
تهد حصون صبرى
وتدخل تقلب سكون عمرى
من الحلم اللى عاش يشبه
غولة والعتقاءا
وهم كبير محاوطنى
مابينى وبينك شئ بيعشقنى
مالوش تبرير
وكل االلى قلناه امبارح
وكان واضح
بيتلااشى بنظرة عين
وبارجع تانى اقول اننا مساكين
مسكنا الحب تأبيده
لابُعد يفيد ولا قصيدة
*********************محمد عبدالمقصود داود
كل التفاعلات:
٢امواج البحر وMansour Benmansour
مجلة نداء الرؤح لفرسان الكلمات 