عيد وهانفرح بقلم/عبد الكبير محمد أحمد

عيد لو نفرح..فيه بيومين

عيد وهانفرح عيد لو نفرح..فيه بيومين

يوم للقلب……..ويوم للعين

نزرع تقوى…..نعيش الدين

ونشوف كل الناس حلوين

نرمي شيطان كياد ولعين

ندعي لجاحد……قلبه يلين

قبل ماتسمع…شوف بالعين

صون السر…..هاتبقى أمين

لوم وعتاب…وتزيد تخمين

تحيي الأسا……أيام وسنين

إوعا تعيد………وانت حزين

عيش بإيمانك…..دنيا ودين

عايزين نملى…القلب حنين

بدل الحزن…نعيش راضين

بركة تزيد……..ويخف أنين

ندعي لرب…..نقول يامعين

حب الخير ماتكنش ضنين

كلمة وحلوة…….تسدد دين

عيد ونضحي…وأكل سمين

قول للشوربة…فيه شرايين

**************************

بقلم/عبد الكبير محمد أحمد

جمهورية مصر العربية المنيا