————————–/
/ حيران أُو مجدوب
————————–/
كَال : ( حجاية واللاٌَ خريفة)
——
كااين من اذهن فمو بالسمن
نام و اسهى لحسو كلب اكحل
صباح زين هذا دكَتنا الشوكة
ادمات اكَدامي و الصبر دوايا
ما عندي لين عليه احنا توام
اللٌِي جات فيه
أيودي
و اللاٌَ…..أيْعَدِي
————————————-
( زجل )
ملٌي الدو دة تنخر لعظام
عاد سولني كيف ابقيت.!
ضربة فيٌا ضربة فيك
مولى نوبة مول التراب
إلى درتي الطايلة انبارك ليك
غير كُولْْ الحايلة حلال عليك
اشعبنا وَ اقعنا ملٌِي كان الخير
انت بوها انا خوهاو العار علامن؟
اللٌِي أحضر فينا هو يقضي الحاجة
عنداك من الدهشة
راه الدهشة خايبة
والراجل إلى صابتو يرجع دجاجة
ويلا أحوالت عيني خرجت
راني روحاني ما يرضا بذل
ويلا اجدبت غ وسعوا الكَارة
خليوني اتطيح و انوض ثاني!
* هذاك حالي حسبوني
اغريب أو براني
و انا مول الدار..!
اتزاد عندنا عزري و اتلوى ألسانو
ملٌِي انطق وَغْوَغْ ما افهمنا كلامو
هذي عليك يا بارد القلب غ اسمع
يا دار الضيافة يا الفاتحة ابوابها
ضيافة النبي ثلاث ايام من بعدها
النخالة و التبن أو ما(ء) لمجاري
الشيح والريح أُو ضرب الزرواطة
من زاد فلكلام خوفي من الفلقة
ضيافة لعدو غير أكذوب يابهتاني
خليت السر خليت اللوحة ورث.!
*نصيحة
(الفقيه ليه لقلم والدواية يولد ايربي…)
ذ/ العابد عبد الرحيم : 13/06/2024
ملهمتي الفقيه بن صالح المغرب بلد الجميع
أعجبني
تعليق
نسخ
مجلة نداء الرؤح لفرسان الكلمات 