«««««»»»»»
ارحمينا يا دنيا
«««««»»»»»
في أيه يا بشر
هو العيب فينا ولا الدنيا
قلبها بقي حجر
يصعبوا عليك بالمختصر
الناس عايشه في توها
ومن بكره خايفه ومرعوبه
اللي سارح في همومه
وخايف قطر العمر يفوته
واللي بيسأل يعمل أيه
والهم وراه بيلاقيه
حلمه ضاع من إيديه
واللي حالته ملاطشه
وبينام من غير عشا
كان عايش مسطور الحال
والدنيا غدرت بيه يا خال
ومد أيده للسؤال
واللي متغرب من غُلبه
فايت ناسه وأهله وضاعت
سنين عمره
دنيا ونقلب حالها محدش
فاهم أيه جرا لها
وفيها ناس ب 100 وش
شعارهم يحي الغش مختوم
فى عقولهم بختم النسر
بتقدر اللي معاة القرش
يا دنيا إرحمينا وخلي فى
عينك حصوه ملح وحني
شويه علينا مبقاش جوانا
غير الجرح
ممطوحانه شمال ويمين
و أخرتها إيه مش
عرفين كفايا بقي إرحمينا
إحنا برده بني آدمين
وفوق كتافنة حمل تقيل
بقلمي / هشام محفوظ
كل التفاعلات:
١١
مجلة نداء الرؤح لفرسان الكلمات 