بيتنا القديم
كرمه مفروش بالصاله
لكل الأهالي و الجيران
بيتنا القديمة له عنوان
الدفا و الحب و الأمان
وبيتنا بالطوب الأخضر
دا بتزينه ورود البستان
جماله من لون الغيطان
الخير عنده في كل أوان
شربة قلته تريح التعبان
ولايوم ردبابه حد غلبان
مصطبته دا مركز أعلان
أعلام للصحبه و الخلان
وبيتنابالعصاري مهرجان
بيتناماعرف يوم حرمان
وبالتجارة مع الله كسبان
الرضا نجومه بكل مكان
والحق فيه دايما منصان
دا الجميل دليله العرفان
و الله يرحم أيامنا زمان
كنا عيلة تجمعنا حيطان
الكسبان قلبه عالخسران
دلوقتي البيت له سجان
وبواباته أشكال والألوان
دا الكل عايش بالتوهان
الصاحي والتاني نعسان
فيه فايق و فيه سكران
والإحترام في خبر كان
والقرش صاحب البيان
يقفل ويفتح لدار بيبان
بالأمر السجن و السجان
مات فيه العلم و الإيمان
بيتنا الجديد ماله عنوان
إلاالجنيه فارس الميدان
وماعاد إلا دعانا للرحمان
ينقذنا من فعل الشيطان
ليعود للبيت اجمل عنوان
الشاعر/إبراهيم شبل
كل التفاعلات:
١إبراهيم محمود شبل
مجلة نداء الرؤح لفرسان الكلمات 