==================- عشمتنى بالحب واحلام السفر &&&&&&&&&&&&&&&&&&&&&&&&&&&&&
عشمتنى بالحب واحلام السفر
عشمت حرفى بالورد والمطر
ورسمتني على باب المستحيل
تميمة للقدر
واحنا واقفين على باب الشجر
نحلف الفين يمين
ان بكره ح يطل فى العتمة قمر
بس ليه قلبك المقفول بقى حجر
عشمتنى بالحب والبيت المنتظر
دخلتني جناين قلبك وانتظرت الخبر
لمتننى من حيرتى ولفيت مشاوير كثر
ورجعت مصلوب ع الحلم الأخير
وانا كنت سفاينك اللى ح ترسى على احلى مصير
غربت احلامى وغربت المصير
موانيك كتيره بس انا قلبى صغير
كان نفسى فى جزيرة مفيهاش بشر
نزرع العمر اللى باقى اشجار امل
نعرق فيخضر فى الوشوش ورد القبل
نكتب قصص للعاشقين
نحلم لهم بشىء محتمل
يرووا القلوب صدق وصفا
يمسحوا جرح الجفا
ويتعشموا تانى بالوفا
==============محمد عبد المقصود داود
أعجبني
تعليق
نسخ
مجلة نداء الرؤح لفرسان الكلمات 