للشاعر /صابر الشناوي
* * * متلومنيش ** *
للشاعر /صابر الشناوي
متلومنيش لما ابطل
أظهر مشاعري في العلن
وأطلق الصبر في وريدي
اما احساسي ومشاعري تتسجن
اهون كتير من اني اروحلك
واحمل أشواقي وابوحلك
عن العشق اللي جوايا سكن
كل وجداني ومشاعري
وكل أحلامي في شعري
ان ألقى جواكي ليا سكن
والقي نفسي بس عاده
زي فنجان قهوه ساده
نشربه وقت المحن
أو سيجاره في نارها قايده
تتحرق وما منها فايده
يبقى بردو ما منها فايده
ان أبوح او أقول او أعبر
ان مهما اقول كلام
عشقك انتي في قلبي أكبر
بس أصغر من ان أقوله
لحد مش حاسس بطوله
وانه واصل لمنتهايا
لدرجه إني من حلاوته
حاسس انه مولود معايا
كبر جوايا وعشته
كان كل أحلامي ف صبايا
والنهايه إكتشفت انه عندك
ولا حاجه بس عاده
فمتلوميش على قلب حبك
ولا عشقك بطل يظهر
مشاعره في العلن
وأطلق الصبر في وريده
أعجبني
تعليق
نسخ
مجلة نداء الرؤح لفرسان الكلمات 