ياريت تحسوا على دمكم
يا واخدين على الجيافه
مهما اتمليتوا فلوس
عمركم ماتحسوا بالنضافه
عمر المال مايعمل رجاله
***
اعمل مال على قد ماتقدر
بدل الجنيه اعمل دولارات
عيش حياتك نزه نفسك
بدل ما تندم على اللي فات
قبل الصحه ماتنكر خيرك
ويروح مالك على العلاجات
دنيا وفانيه ومش بقيالك
ماشي تتباها بالحوارات
***
ياشباب ماشي فرحان بجمالك
واللي يجاملك تعملو أخوك
لو راح مالك مين هيحبك
شلة منافقين بيجاملوك
وانت خيالك بيهيأ لك
انك سبع بيتباهوا بيك
***
المال زايل عمره مايدوم
وان راح مالك تصبح محروم
تاكل طقه بعدها تصوم
تاخد عالوحده تملي مكلوم
واما تفكر في اللي جرالك
مالتفكير دايما مصدوم
اعلم ان الدنيا زوال
عمرك بقدر الله محتوم
(((أسامه جديانه)))
مجلة نداء الرؤح لفرسان الكلمات 