####################################
====================- بندهلك ===========
####################################
بندهلك
وكأنى غريق وفى سابع توهه
وكأنى غريب فى بلاد مشبوهه
وارجعلك
من حارة الدنيا المجتونه
من كل مغارات مسكونه
انا حاسس قلبك بيوجعنى
بيدق النبضة ويسمعنى
بالنغزة فى وسط الضجكة المسروقه
بالدمعة المحروقه
مبقتش امان الدنيا
طول ما الفرحه مقتوله
من بعدك بهتانه فى عينى الاشياء
وملامح كل وجوه الاحباب
مستنى مع كل صباح فرحة شمس
تدق الباب
واشوفك بتمد ايديك ترحاب
واشوف النظرةالمشتاقه لعتاب
لوتعرف روحى اصلا تعشق روحك
ح تقول كداب
ويوماتى مع صورتك وحساب
حساب اللحظة الضايعة
بين كنا وكان
وانا رافض الدنيا بدون صوتك
صوتك بيصحى الاحساس
وبيعزف ع الوتر المقطوع بهموم الناس
الحب الصافى بيزلزل كل الاركان
وبيزرع فى الكون انسان
وبندهلك
تمدى ايديكى تدينى امان
——-
================محمد عبدالمقصود داود======
كل التفاعلات:
١Mansour Benmansour
مجلة نداء الرؤح لفرسان الكلمات 