فاكر زمان
فاكر لما كنا متجمعين
ولكلام الكبار سامعين
طيب فاكر لما نلاقي حد كبير
نمسك ايده نعديه دون تاخير
لو حصيره علي البلاطه
فاكر لما كنا صغيرين
مع بعض اصحاب رايحين
جاين
فاكر كان الجيران زمان
لو حد كح عندهم نجري
عليه قوام
فاكر لما يتجمعوا الرجاله الكبار
واحنا حواليهم نسمع ونتعلم من غير نقار
فاكر لما كان ربنا مبارك في القليل
والصحه حلوه والعمر طويل
فاكر الجيران لما يعملوا الطعام
يجيلك طبق منه قوام
فاكر كنا في الشارع عيله واحده
لو في شي نتجمع ولا الامم المتحده
كانت النفوس كلها شبعانه
وحمده ربها ومش تعبانه
كان ربنا مبارك للناس
علشان النخوه والاحساس
وهو ده كان نهج حياتنا من الاساس
والضمير كمان كان موجود
والكل بيشكر ربنا المعبود
لما القلوب اتغيرت والعقول
اتحيرت
وبقي كل واحد يبص علي الي في ايد الناس
مش حامد ربنا علي الي في ايده من الاساس
وكتر الحسد والحقد والغيره
والحياه بهم بقت مستحيله
والبركه كمان قلت كتير
علشان الشكر بقي قليل
والاسعار بتزيد كل يوم
لما طيرت من العيون النوم
وبقينا نحلل ونحرم تبع الاهواء
بحجات غريبه سبحان الخلاق
نفسنا نرجع ذي زمان
والحب يبقي في كل مكان
ونود ونحب بعض من قلوبنا
وعن المعاصي نقول تبنا
ونتقي الله وده مخرجنا
هنتغير وربنا هيعوضنا
وتحلوا الحياه من تاني
وتتجدد في عيونا الاماني
ونشكرا ربنا علي النعمه الي في الايد
هيباركلنا فيها وكمان هتزيد
بقلم د /اشرف الحسيني
أعجبني
تعليق
نسخ
مجلة نداء الرؤح لفرسان الكلمات 