دوبني
خدني بخوانه هواه علطول
لا قال احم ولا قال دستور
برجلني سحره بقيت شاتت
دانا كنت قاعد ولا مشغول
لا ليا دعوة بدول او دول
هل بفؤادي النار قادت
وعنيا ماشافتشي الا النور
كل اللي فاكره من الأحداث
الحسن عدى عليا وداس
والجفن خطفتني رموشه
ما لحقت انادي غيتوني يا ناس
كان قلبي محمي بميت أسطول
والسلك لافُّه داير ما يدور
يا ريت يقوللي ازاي وصله
وازاي كمان نط من السور
كل اللي طالبه تفهمني
ازاي ملكت الروح مني
وعنيك ترسيني على الدور
مانا مش هفأ قلبي وطرطور
ماقدرشي الوم ع الشوق قلبي
ولا اقول ده ذنب هواه ذنبي
اصل الغرام ف عنيه اسرار
واقل سر فيهم حربي
دوبني
بقلمي/ خالد جمال ٢١/٦/٢٠٢٤
كل التفاعلات:
٣Mansour Benmansour وشخصان آخران
مجلة نداء الرؤح لفرسان الكلمات 