حربي علي
شاعرالسويس
( الشهرة )
زجل
( الشهرة )
مبحبش الشهرة
أصل .
ممكن تخونك يوم
وتسقيك آمال صفرا
ومن كتر الشهرة
تنسى مبادئ
متفضاش لحظة
ولا تكون صادق
وتدخل في عالم تاني
أعمق بكتير
من: الصعيد الجواني
وأكبر من آي مظاهرة
مبحبش الشهرة
مش يمكن تتوه؟
وتقيد مشاعرك
والحق يشوفوه
بيكتف / يعايرك
والكلمة الحرة اللي: باقية
تضيع زي ماضاعت الساقية
ولا تسقى حتى حفرة؟
مبحبش الشهرة
خليني كده هاوي
أقول: مابنفسي
لا إحتراف غاوي
ولا أعرف أقعد علي الكرسي
دي الوحدة كنز كبير
والفكرة لو ليها ضمير؟
بمقام صورة من العذرا
مبحبش الشهرة
( قناعة )
حربي علي
شاعرالسويس
كل التفاعلات:
١Mansour Benmansour
مجلة نداء الرؤح لفرسان الكلمات 