==================-وسألتك ليه وعينك حكايات = #######################################
وسألتك و فى عينيك حكايات
بتردد مع قلبى النغمات
وبتسمع همس الطير لما بيوشوش كل الزهرات
الحلم كان لسه بيتعلم يخط الكلمات
ويشب ع النبضه التايهه فى عينيكى
وبيسمع دقات
الحلم ما كان يمكن تفسيره
الا ان شاف فى عينيكى الاجا بات
خطين واصلين لنجوم الليل
وخطين بيدقوا ابواب الدنيا
ويبكوا بدموع واهات
الشمس كات واقفه تستنى اجملها نهار
وشبابيك القصر العالى
بتقفل فى عيونى شبابيك الحلم
وتخبى الاسرار
انا بس حاولت احلم
ما حاولتش امشى لاخر المشوار
ولا اخلى خريف العمر يبقى ربيع
واعيش الباقى من عمرى اسفار
واضيع
وان كان الحلم سبقنى
وارض الواقع ما بتعرف احلام
معلهش سامحونى
مش كل الطير يعرف يرجع عشه
ولا كل غريب بيعود لديار
مشاوير العمر اللي بتمشى
لجهات مختلفه مهياش بتعود با لا خبار
مجلة نداء الرؤح لفرسان الكلمات 