###########################################
======================- الفين سؤال من غير اجوبة
###########################################
الفين سؤال ومقيش اجابة ملهمة
غير اشارات مرور اوانظمة
الفين سؤال يجرجرونى جوا الشوارع والامكنه
مين انا ؟
وانتى مين ؟
انتى اللى مكتوبه فى دفترى
ولا انتى حارس مدينه الاحلام المفترى
انتى اللى طاردانى من سكوتى
وناويه على موتى
انتى اللى نايمة جوا
روحى بترتبى كونى
وترتبى للشوق مواعيده وتفترى
وبتعلقى الزينات على ملكوتى
انتى نصى ولا انتى كلى
ولاانت صورتى فى مرايه مكسره
ساعات باشوفك حلم فى كل العيون
وساعات اشوفك شىء يخون
انتى اللى مخلوقه من ضلوعى
ولا انتى احكام خضوعى
مصلوب على يابك سنين
بانسى اسمى وانا مين
زى طفل رضيع مشتاق حنين
(تعالى اخاطب فيكى اشتياقى
تعالى فما فى العمر باقى
فأنتى الحياة ريا وساقى
وانتى حروف القصيدة
وانت القريبة البعيدة
تعالى فقلبى يضم احلى المشاعر
فانت حروف القصيدة وشاعر
ولست سوى مداد مسافر
على صفحة العمر صابر
اراقب فجرا وحظى عاثر)
وانتى جميع الحروف الجميلة
و اجمل زهرا بكل خميلة
ضفائرك حلم اجادل فيه الحقيقة
وثغرك واحة طهر بريئة
فكيف اخط حروف امالى
ودربى وعر وقصرك عالى
=====================محمد عبد المقصود داود
كل التفاعلات:
١Mansour Benmansour
مجلة نداء الرؤح لفرسان الكلمات 