شريف القناوى
2024
…. اوقات …
اوقات يا دنيا بتبعدينا
عن أقرب ما لينا
واخدانا لفين جوابينا
برة الدايرة خلينا
الحزن مش مكتوب علينا
اوقات يا دنيا ماشية عكسينا
عاملة انك منينا
نجرى وراءك تنسينا
اوقات راسمة الضحكة
بس جواها الخدعة
لطريق مالوش أخرة
اوقات أحسك المظلومة
وساعات اشوفك مقهورة
ليه رسمتينا برة الصورة
لا فاكرين الماضى
ولا النهاردة كان لينا
اما بكرة تاه وسطينا
اوقات بعتب عليك
نسيت أننا السبب
وانت مجرد صورة
الوانها ملطخة ايدينا
سامحينا احنا اللى افترينا
شريف القناوى
2024
مجلة نداء الرؤح لفرسان الكلمات 