@@@فين الفن@@@ وليد النميري.

@@@فين الفن@@@

فين الفن فين الإحساس@

فين المغني الأصلي يا ناس@

فين الشدو فين التغريد@

فين ثومه وحليم وفريد@

ولاذوقنا بقي ذوق مهرجنات@

ونسينا فايزة وشاديةونجاة@

فين أيام الموجي وألحانه@

ولا بليغ وروايعه وأشجانه@

فين وردة وفين ليلي مراد@

فين ميادة ومحرم فؤاد@

فين عفاف وعزيزة جلال@

وفين عبده موسيقار الأجيال@

فين الفن فين الإحساس@

فين المغني الأصلي ياناس@

فين الأسمر وفين عدويه@

وأغاني شعبي مدويه@

فين الحب بين الأبيات@

فين الوطني والإنتمائات@

فين القصه في كوبليهات@

فين أغاني إتربينا عليها@

وإتلمينا نردد معانيها @

فين ذكري إرتبطت بأغنيه@

ذكري حنين أو حتي أسيه@

فين الفن فين الإحساس@

فين المغني الأصلي ياناس@

ياما شباب وصوتها جميل@

فكروني برشدي وقنديل@

مش هيصه ورتم وتوزيع@

وأي كلام خارج وفظيع@

أغانينا كانت لغة للأخلاق@

حتي في الحب والأشواق@

ليه غيروا فينا الأذواق@

وقالوا ده طلب الأسواق@

شوف حتي أغاني الأفلام@

بقت سافله وأي كلام@

قال ده بقي الذوق العام@

مصطلحات تافهه وأرتام@

أي عاطل يجيلوا جنان@

يطلع يعمله كام مهرجان@

ويصبح نجم بقي وفنان@

ونشوفه في السيما كمان@

فين الفن فين الإحساس@

فين المغني الأصلي ياناس@

تحياتي

وليد النميري.