نفسي اشتكي
نفسي اقعد مع نفسي واشتكي
من الاحبه اللي كانوا
نسوا العشره والموده
بكره يجوا يشتكوا
بكره نشوفهم يعانوا
كانوا حمام سلام يرفرف
وفي عز الشده بانوا
كانوا ملائكه هايمه في السما
وقلوبهم حوالينا
بالفرحه مجنونه
والمخالب خلفهم
كانت حاميه مسنونه
الغدر كان في طبعهم
والخيانه بتجري في دمهم
كان في بالهم وظنهم
ان دي شطاره منهم
وما حدش ابدا قدهم
ولا حد فهلوي زيهم
بكره ينهدم عشهم
ويتغير شكلهم
بكره المكر يهدهم
والفهلاوي تقسم وسطهم
عشان ما حافظوش على ودهم
ولا في المعامله راعوا ربهم
الشاعر / عامر عبده عامر مصر
أعجبني
تعليق
نسخ
مجلة نداء الرؤح لفرسان الكلمات 