عامية مصرية
بقلمي 
أشرف محمد السيد
قصيدة
الخلاصة دي بلدنا
عامية مصرية
بقلمي أشرف محمد السيد
♡◇♡◇♡◇♡◇♡◇♡◇♡◇♡
خلي قلبك ويا مصر
دى منارة كل عصر
مهما باعت، إشتريها
والهزيمة هتبقي نصر
مصر واحدة وشعب واحد
كيف تكون ظالم و جاحد
الطريق متروس كماين
دين متين و الرب واحد
مصر يهواها العليل
نيل وخضرة وشوق وليل
إسمها فى القلب ساكن
لون ربيع ، أصوات هديل
يحسدوها ع المحبة
ليه هتفضل حلوة شابة
قالوا عنها و عابوا فيها
هي تضحك ، حبة حبة
عيشة موت بس براحتها
دار سلام و الخير رايتها
بنسي ضعفي لما اشوفها
و افتكر راحتي ف بيتها
مهما شالوا ومهما جابوا
مهما حطوا ومهما سابوا
مصر روحي وهي عيني
والسؤال راضي بجوابوا
إبني صامد ع الحدود
والجنود زي الأسود
والتراب ع الحُر غالي
والرِبَاط شعب وجنود
النبية ، فاهم كلامي
مش وظايف أو أسامي
أصل واحد ، دم واحد
والرسول نهجي وامامي
الصلاح إصلاح و دايم
ساعة صاحي وساعة نايم
نختلف ف الرؤية ، لكن
لو تنادي ، الكل قايم
ع الغريب أنا وإبن عمي
إسمها يجري ف دمي
جرحها ف قلوبنا ينزف
همها ، واللهِ ، همي
الخلاصة ، دي بلدنا
امي و جدودي و ولادنا
وإللي رايد شر بيها
ننسفوا و الوحدة زادنا
“””””””””””” بقلمي
أشرف محمد السيد
كل التفاعلات:
١٩Ashraf Mohamed Elsayed، وعلي الحمامي و١٧ شخصًا آخر
مجلة نداء الرؤح لفرسان الكلمات 