######################################
================= واقف على شطك ====
######################################
واقف على الشط
نزلت دموع ع الخد
من قلب حب بجد
وألم كتير بلا حد
روح تنقسم نصين
احلى ما فيهم مر
يا قلبى يا عشمان
الحب كله صبر
جرح الحبيب جبر
عايش على ذكرى
يا هلترى فاكره
ايام لقا وحنين
والا انتى متجبره
على القسوه والتعذيب
قلبى ما كنش غريب
قلبك دا كان صخره
سهم البعاد دباح
وليل بلا قمره
والدمع لما سال
حفر ميتين حفره
انا اللى زارع جناينك فل
وانا اللى عشقى من عينيكى طل
لوكنتى ورده انا العبير والضل
لوكنتى شمس ضيى فيكى يهل
وانا فى قلبك نهريروى الكل
قلبك كان لى دليل
وعينيكى عشقانى
انا قلت اسهر ليل
وانتى واحشانى
واحلم بحب يسيل
فى كل وجدانى
الاقكى قافله الايميل
وتقولى نسيانى
القلب مهما يميل
انتى شىء تانى
حتى اسالى المناديل
تاهت فى عنوانى
يا مكتر المواويل
الدنيا عصرانى
القلب صبح هلاهيل
والبعد بكانى
حبك دا عمره طويل
اسمك على لسانى
انده واقول يا ليل
تهجرنى اوطانى
==================محمدعبدالمقصود داود
أعجبني
تعليق
نسخ
مجلة نداء الرؤح لفرسان الكلمات 