اشرف الشناوي
شاعر عاميه
البرامون
المنصوره
………….. إياك تسامح………
اسامح ليه …….
طب وقلبي
اللي انكسر
والا جرحي
اللي اتفتح هاعمله ايه
طب ورحي
اللي انطفت جوا البدن
هتقيد بايه
طب لو سامحت
ورد قلبي ازاي وليه
بعد العذاب والا الوجع
هاتعيش بايه
َوازاي تأمن للي خانك
لو بكي او باس ايديك
وازاي هاترسم ضحكتك
بدموع عينيك
وازاي هاتنسي في يوم بشر
داسوا عليك
إياك تسامح
مهما كان فيهم ندم
دا الورد وسط الشوك
مسيره للعدم
اصل اللي خان مره
يخون لو يوم حكم
ارمي الحمول على ربنا
وارضي واعيش باللي اتقسم
كمل طريقك مهما كان
فيه من ألم
بكره تلاقي مهما كان
شمس ودفا
وتلاقي صبح في قلب
ليلك بيترفا
عمر الخيانه ماتتوزن
بميزان وفا
كمل طريقك بالامل
تلقى الوجع منه اختفا
…………………..
اشرف الشناوي
شاعر عاميه
البرامون
المنصوره
أعجبني
تعليق
نسخ
مجلة نداء الرؤح لفرسان الكلمات 