♡♡♡♡♡♡♡♡♡♡♡♡♡♡
، 
الطماااااااع
♡♡♡♡♡♡♡♡♡♡♡♡♡♡
ماهر مهران …….جمع اهله
قال انه خلاص .. جهز مهره
وابوها عمدة … وهايصاهره
حل الفرسة ….. م الحنطور
لف بها الحتة ……… الأمور
منفوخ بسلامته … ومغرور
والكل بقى ……. متابع أثره
ماشي بيعدها .. وبيحسب
وكأنه محتال .. وهاينصب
العمدة شافه …… واتعصب
وحلف ليخرجه على ضهره
جايب عمك ومعاه خالتك
طب قولي قبلا ايه حيلتك
دانت بأصلك وكمان حالتك
فقركم توكيل اخدين حصره
لما تقول .. ياجواز وتناسب
لازم تعقلها …….. وتحاسب
هي مش بيعة … ومكاسب
اوفص لمون بسهولة عصره
قبل اما تحوش …. قرشين
افهم قبلا ……. بتكلم مين
ولا عندك مِلك ….. ولا طين
بني آدم مغلوب على أمره
وصبح حدوته …… ومشاع
وحكايته … يوماتي بتتذاع
عن واحد …. مغرور طماع
راح يبني مجده راح كاسره
Zenab Seleem
كل التفاعلات:
١١
مجلة نداء الرؤح لفرسان الكلمات 