«««»»»
عتاب أيه
«««»»»
قال جاي في عتاب وليا يعتذر
وعوزنا نرجع تاني أحباب
وأنسي اللي حصل
ما أحنا ياما أتعتبنا وقولنا
لما نشف رقنا وأنت زي ما أنت
مابتتغيرش
واحد عايش لمزاجه غرقان في
نزواته ماتتعشرش
صحيح اللي أختشه ماته
تقدر تقولي أنا قصرت معاك
فيه طلباتك كلها مجابه حتي
رغباتك بتلاقيها وبزيادة
ياعم روح والله ماعاد فيا روح
خلتني أحب الوحدة بقيت
أخاف أقرب من الناس
لا أشوفك في عيون وحدة
ولو علي الأعتذار أنا اللي بعتذر
وقدام كل الناس بعترف حقيقي
معرفتش أختار
وخلاص أخد القرار الحياة معاك
ملهاش قيمه رجوعي ليك
جريمه والله البعد عنك غنيمه
وحياتي من غيرك بقت جميله
مستحيل تاني أرجع لك
أنا لو بأيدي أقطع القلب اللي
في يوم حبك روح يا شيخ
الله لايسمحك كرهتني في
صنف الرجالة بعدك
وأديني سبتلك حياتك عشها زي
ما يحلالك وغرق في نذواتك
عاوز مني أيه تاني سيني في
حالي وخلينى ساكته الكلام
مامنوش فايده
وربنا وحده شاهد أنا أتحملت
وصبرت قد أيه وهو عارف
مين فينا إنظلم ورفع شكواه
وقال يارب أنت الحكم
بقلمي / هشام محفوظ
كل التفاعلات:
١Mansour Benmansour
مجلة نداء الرؤح لفرسان الكلمات 