#########################################
=======================- لازم يا قلبى الحزين =
#########################################
لازم يا قلبى الحزين
تودع القلب البرىء
وارثيه وابوسه
واحفر فى صدرى الف معنى من غير بريق
كان ملاك على جبينه حلم
طفل بعيون بريئه
والحقيقة
انه فى موج حبى غريق
هز نخيل الامنيات
والرطب جفت من طول السكات
عصفور وخاف من عيون الصيادين
عصفور ومشتاق الحنين
فى ظلام الليل كان مستكين
بس نور الصبح
لما هزه صحى فيه اجمل رنين
بص شاف الكون بيضوى
انخدع وعاش ع وهم من غير يقين
مين يقول ان النهاية بتنكتب
فى كل خطوه انتظار
مين يقول ان النهار فى اخر الرحلة
مش هوالنهار
ومن ساعتها …..
الشمس خبت ضفايرها
والنهار هجر ديارها
والسما باضت غمام
والقمر ادارى فى عب السحاب
كل شىء مش مكانه
كل شىء خالف زمانه
والطير ما عاد يغرد
رمى ريشه وعربد
من ساعتها الحزن عشش فى الوريد
قال انى انا صاحبه الوحيد
#########################محمد عبدالمقصود داود
كل التفاعلات:
٣Mansour Benmansour وشخصان آخران
مجلة نداء الرؤح لفرسان الكلمات 