عطيتك حناني
عطيتك حناني
وبايدي سقيتك هنا
بقالك يومين ما سألتش عننا
دلعتك كتير
وانت الخسران
مش انا
وحياه الشوق اللي كان
طالع مننا
وحياه كل دقه
كانت زياده عن دقه قلبنا
هتدفع الثمن
وقلبك هيندم
وتيجي لحدنا
واليوم اللي عدى
في بعادك عننا
هيقف عليك
كانه 100 سنه
مبروك عليا
يا ابو قلب ظالم
وعيون قويه
كان فاضل شويه
وعيوني تاخدهم هديه
انا كنت في حياتك
كل عزوتك
في حتت يومين
تبان قسوتك
الباب اللي بينا
خلاص هقفله
وما حدش هيجي
على قلبي يغفله
يا خساره المحبه
اللي راحت هدر
وقلبى الحنين
بيه اتلعب واتغدر
انا مش هسامحك
وهسيبك للقدر
عشان اللي حصل
منك وبدر
وهقطع اللي بينا
لو كان حبل الوريد
وعمري ما افكر
احب من جديد
وهقطع رسايلك
واعملهم دواير
وابعد عني حبه
عشان دمي فاير
كنت ظاهر لى المحبه
وكان ايه خلف الستاير
الشاعر/ عامر عبده عامر مصر
أعجبني
تعليق
نسخ
مجلة نداء الرؤح لفرسان الكلمات 