#
======================—لما بشتاق لك قوى
######################################
لما بشتاق لك قوى
باسال كل الورد فى خدود البنات
وادخل فى عب الذكريات
اواشوف لحظة ترجعك
اسف لانى
برغم بعادك
بااستنظرك
ومعايا شنط شوقى التقيلة اللى بتحيرك
يا بكره
بلاش والنبى ترجع سفينتك بالعذاب
وافتح لحبيبى اى باب
خايف على حلمى المنبت جوا تكعيبه عتاب
والقلب داب
والنبض اللى كان بيراعيك شاب
يا بكره يا شرنقة حلمى اللى غاب
لسه باقى كام اكتئاب
لسه باقى كم من سنين العذاب
لسه باقى فى السما كتير سحاب؟
ابتدى امشى
والا اعلن الانسحاب
انا عشقى كان كما الشموس
وانت عشقك بميت حجاب
يا بكره قول مين وقف خطوتى
ومين عن الحب تاب
مين اللى سطر نهايه حلمنا
فى كل صفحة فى الكتاب
وقطع تذاكر للغروب
وقفل كل باب
——————— محمد عبدالمقصود داود-محموددرويش الحجار
مجلة نداء الرؤح لفرسان الكلمات 